غـــــــدر

,؛,


علمته يشيل السيف ويسله في وجيه اغراب
............واول ماقوى شيله رفع سيفه وتحداني

علمته الرمايه زين ولايتعــب ولايرتـــاب
............واول ماقوت يمناه صوبنـي ورماني

علمته نظم الشعر ولا يركـض ورى الالقــاب
............واول ماكتب بيتين كتـب عنـي وهجاني

علمته يعاف الغدر ويوفي بوعده الاحباب
............واول مافهــم قصدي راح بعيـد وخلاني

تعبت اوفي مع الخاين تعبت اصدق مع الكذاب
............تعبت ارجيه والجى له وهو مايوم قد جاني

تعبت ابني صروح الحلم على شانه شقى واتعاب
............ولا مره شعر فيني ولا حس باحزاني

غريبه كيف يتجرأ يسوي مارفضــه اجنـاب
............وهو اقرب من النظره لعيوني من اجفاني

انا اللي عشت له ديره عزيزه مالفاها اغراب
............وهو كان الوطن اللي نساني اوطاني

سهرت الليل لعيونه رغم نومي علي غلاب
............مع هذا صبرت وقلت من شانه انا اعاني

عيوني تنثر الدمعه وظني للاسف قد خاب
............وقلبي مات في سجنه يوم الحب سجاني

تموت افراح هالدنيا وانا كلي بقايا اسراب
............من هموما تعل القلب تشمت فيني عدواني

الفراق

ربما يعتقد البعض ان الفراق صعب

؛

وربما يعتقد البعض ان الفراق هو نهاية الكون

؛

وربما يعتقد البعض ان الفراق هو موت الامل

؛

ولكن انا اقول ان الخيانه هي اصعب مافي الدنيا

؛

وخاصه اذا اتت من شخص له مكانه خاصه لديك

؛

اخواني ربما تكون هذه الكلمات بسيطه

؛

ولكني قدرت اني اعبر عن مابداخلي

؛

وهاهي الكلمات اضعها بين ايديكم

من كثر يأسي

من كثر ياسي منّك..حتى اعتذارك صدمة
ومن كبر جرحي منّك.. حتى “أحبك” تجرح

وسنيني اللي ضاعت..ما تنلقى من كلمة
وحروفي اللي صاحت.. ما تحتملني أفرح

كنت أحتمي في بعدك.. في وحشتي والظلمة
عن جورك وغلطاتك.. بانّي بحنانك أسرح

اتخيلك تحضني..وتنسّي قلبي همّه
واطير بك للجنة.. فيها نغني ونمرح

ما شوف منّك الا كل المزايا الجمة
اللي بها حبيتك..وبها لساني صرّح

لكن حسافة جابك.. شوقك..وصبت بسهمه
اخر فصول القصة..وانهدّ ذاك المسرح

كلمة وراها كلمة..وتهمة اسبقتها تهمة
أجمع معاها جروحي..وانت بغرورك تطرح

تطرح من احلى رسمة لك في فؤادي برسمه
غابت معالم روحك فيها وعيّت تشرح

فرحة لقانا ذبلت والشوك جفّ بوهمه
اني اتم اتحمل..ظلمك واعيش اتجرّح

ريح فؤادك دامه..واثق اهو من حلمه
حتى لو ان احلامي..ما حصلتك فـ مطرح

قلبي عشانه حبّك..يستاهل اللي لمّه
يستاهل بدمعاتي يتناثر ويتشرّح

لا تعتذر عن جرحه..لو مت انا من ظلمه
خلي لغيرك دفنه.. ودامك ذبحته..إفرح

خــــيــانــة

خيانه. . . وانتهت آخر سوالف عشقي المجنون=سوالف عشق. . .ياما الناس قالتها وعادتها

حكــوا عني وحكــوا عنها وعن حب ملا هالكون=صــاروا يحلفون بحبنا. . .وصدقي. . .وطيبتها

وكم واحد تمنى لو خذا من لون حبي لــون=وكــم وحــده تمنت لــو تشابهنا حكايتهـــــا

انا وياها كنا حلم. . .بالمعنى وبالمضمون = لكل اثنين. . .قصة حبهم تعلن بدايتها

وفي ليله صرخ فيها الوفا من ظهره المطعون = بدايتها جروحي. . .والوفا مات بنهايتها

في ذيك الليله . . .كان اهون على احيا بدون عيون = ولا اشوف اللي شفته من حبيبة قلبي ساعتها

بعيني شفتها وياه. . .تضحك له. . .وهو مفتون = سعادتها في قربه. . .تشبه فقربي سعادتها

وهو طاير من الفرحه. . .ولا يدري بأنها تخون = ويمكن يدري وساكت . . .ولا تهمه حقيقتها

بعيني شفتها. . .ماهو حكي واشي وخيال ظنون = بعيني. . .ليت عيني عمرها مايوم حبتها

وقفت ولسان حالي يقول ليه؟ ومن متى؟ وشلون؟ = عساي القى سبب واحد يبرر لي خيانتها

وادور للجريمه ثغره بــكل مــذهب وقانــون = ولكني عجـــزت القى عذر يغفر جريمتهـــا

قبل هالليله. . .كنت اسمع كثير من البشر يشكون = من سيوف الغدر. . .واضحك وانا أتباهى فبراءتها

انا ما كان عندي شك ولو واحد من المليون = في صدق اللي تقوله عن غلاي وعن محبتها

خيانتها عطت حجه لكل اللي يبي يخونون = ومن هالليله. . .كل خاين بيتعذر بقصتها

مادام اوفى البشر خانت. . .حرام الباقي ينلامون = وكلمات الوفا لا عاد احد يطري لي سيرتها

خيانه. . .وانتهت آخر قصايد عشقي المجنون = وضاع الحلم. . .في ليله. . .الوفا مات بنهايتها